28 weeks

回想當天 - 1/10/2014 - 8/10/2014 (28 weeks)

10月4號去左瑪麗飲糖水~
其實糖水呢一part 我一向打定輸數~
因為就算有左之前定之後, 我都係無甜不歡!
最鐘意就係飲甜野同埋朱古力~
仲要唔甜唔食o個隻><
我成日同自己講: 食咁多甜野, 係要還ga!
所以都預左自己仲有呢12weeks 要清清淡淡, 控制飲食~
但諗起要吉手指都覺得好驚好痛><
由於8點半就要去到瑪麗, 所以早一日就去左媽咪度訓喇~
8點半準時去到瑪麗, 點知都排65=.=
d人有冇咁早到呀!!!
之後一去到就抽左枝血先, 我d 血管不嬲都好幼, 所以好難抽~
個姑娘比我揀, 一係就吉唔痛既, 但可能要吉幾次, 一係就吉好痛既, 一次過~
我揀左一次過><因為真係唔想吉幾次, 點知真係痛到我想大嗌>______<
抽完出黎眼濕濕, 真係好痛好痛, 之後就飲埋杯糖水~
可能我一向飲開好甜, 所以呢杯糖水對我黎講好ok, 一d都唔甜!
好快就飲晒lu~之後就要o係度坐2個鐘喇~
由於有媽咪陪我, 所以d時間都過得好快, 再抽多次血就走得lu~
再抽既時候我個心不斷期求唔好比我遇番頭先抽血個姑娘, 因為真係好痛!
點知今次係第2個姑娘, 個心放左一大半~
點知呢個姑娘抽得仲痛....真係即刻痛到我標左2滴眼淚><
不過為左bb, 值得既><

27 weeks

回想當天 - 25/9/2014 - 1/10/2014 (27 weeks)

28/9/2014 - 29/9/2014

之後覆診姑娘講過而家趁住係懷孕期間最舒服既時候, 有d咩想做可以做喇~~~
聽完之後即刻好想去旅行>v< 塔飛機o個d我就唔敢去喇~大陸又驚d野唔乾淨~
所以又係揀左澳門喇~
不過好慘, 去完澳門個肚成日都好硬><
唔知係咪都係太粗勞, 所以好多時間都困左o係酒店入面!
好彩之前都買左2件衫諗住去酒店影下相~所以就影左一陣相, 酒店附近行下就算喇~
下次都係咪攪喇><




30/9/2014

之後見團購見到有自拍館做緊團購~$55 2個人影一個鐘, 見咁平又觀塘咁近咪去玩下law!
本身想個肚大d先影, 但好快就到期喇, 所以就book左今日去玩喇~
total 都影左成200張相~雖然好多都唔見肚, 但咁平玩下都真係無妨^v^

26 weeks

回想當天 - 18/9/2014 - 24/9/2014 (26 weeks)

20/9/2014

一直以黎都好想聽惠氏既講座~因為有假bb玩~
但抽過2次都唔中, 今次終於中喇, 好開心~
今日就同佳佳去左玩bb喇~~~~
雖然玩既成份多過去學既成份~
但至少我諗我上完呢堂我敢抱我個bb law^v^
仲有d期待同佢沖涼tim~~~~

23 weeks

回想當天 - 28/10/2014 - 3/9/2014 (23 weeks)

28/8/2014

知道有左之後同上班識左班將軍澳11月-1月生bb既媽媽~
一路whatsapp 傾計互相扶持~
唔經唔覺都已經識左2個幾月喇~
有d 分別見過但都未試過一班人出黎聚~
今日就係我地第1次聚既日子喇~~
去左其中一個tko mama度, 佢仲整左d野食招呼我地tim!!!
7點鐘不斷傾傾傾, 傾到差唔多11點先捨得走>v<

29/8/2014

今日同佳佳想影下d大肚相, 雖然我個肚唔大>v<
所以5點幾就去左寶琳個公園仔度影相喇~
不過影左幾張就覺得好似好累咁><所以好快就走左喇~~~
下次一定要影多d^v^



2/9/2014

今日放工同佳佳一齊塔地鐵~
好開心又有個鬼妹讓座喇~
即係証明我個肚愈來愈大~
即係小丸囝有吸收我d營養, 真係好開心~^^

22 weeks

回想當天 - 21-27/8/2014 (22 weeks)

21/8/2014

今日又去左贊育覆診lu~媽咪陪我!
見助產事, 佢話媽咪陪坐月係最好既, 可以奉旨洗佢, 唔洗應酬佢~~
哈哈~其實都係呀!!所以我都幾幸福呀, 可以有媽咪陪坐月~
助產士仲話而家開始要散多d步(我咁懶, 都幾難=.=)
仲要飲多d魚湯 (媽咪即刻話一個星期煲一次我飲)
同埋多d同bb傾計 (呢樣難我唔到啦, 我一日同佢傾計傾到黑既~)

22/8/2014

今日去左bb care 聽講座, 題目係"做個至top至醒父母"
內容好有用呀!!!希望對我遲d 湊bb 有幫助啦~

23/8/2014

今日又去左瑪麗聽講座, 講照顧bb~
內容十分實用, 仲要估唔到政府醫院講座都有禮物~
係一袋huggies 既禮包, 有尿片同濕紙巾~
good!!!!

照結構+第一次有人讓座

回想當天 - 13/8/2014 (21 weeks)

今日係照結構既大日子!
結構之前一路都唔係好敢講自己有左bb, 因為睇得bk太多~
見到好多人因為結構唔pass 而選擇終止懷孕!
所以真係好驚好驚!
加上自己個肚仲係唔大, 好驚bb 唔足size~
做左人阿媽真係好多野擔心><
好彩佳佳今日都請到假陪我去照 (佢知有得照一定會請)
8點出門口仲去大家樂食完個早餐先上去~
仲落大雨, 紅雨埋tim~
好想姑娘比一日假我唔洗我趕番工><
上到去等既時候個心真係跳出黎咁滯~
一路同小丸講唔洗驚, 姑娘幫你做檢查!
其實係叫緊自己唔洗驚~
今次好快就到我喇 >_______________<
入到去訓o係床佳佳可以o係我隔離, 我即刻拖實佢~
佳佳都feel到我真係好驚, 不斷叫我唔洗驚唔洗擔心!
之後姑娘就開始照喇, 一開始照個心, 照左好耐><
我又好驚喇, 驚到我差d喊左出黎~
可能個姑娘都知我好緊張, 同我講: 冇事ga, 我要影番張相出黎比醫生睇所以照耐d o者~
之後我都開始放鬆d喇個人, 呢個媽咪真係冇用, 少少野都驚得咁緊要!
之後小丸好攪笑, 照到邊都見到佢隻手, 照個咀呢就搵隻手整住個口~
咁姑娘就話: 唉, 最尾先照番個口啦, 而家照左隻腳先啦~
之後照落隻腳度又見到佢隻手~~~
個姑娘話: 哎呀, 你睇下佢隻手多到, 照邊就遮住邊度~
真係好可愛呀^^
姑娘問我知道係囝囝定囡囡未, 我話未confirm~
之後佢就幫我睇, 睇完之後笑笑口講左句: 好明顯啦, 囝囝黎ga, 咁突, 冇走雞啦~
o個刻唔知點解我一d唔開心都冇, 仲好開心, 覺得好sweet~
已經即刻諗起第時同個囝拍拖喇~^v^
希望個囝第時型d 啦~
最終因為個囝玩野, 照左成個鐘先走得~
膽粗粗問姑娘可唔可以要一日假, 姑且望一望出面見到咁大雨~
就比左一日假我喇~好野~~~
最後姑娘仲話bb size 都好正常, 結構亦都好正常~
終於放下心頭大石喇~~~

有一日假, 就約左媽咪出黎飲茶喇, 飲完茶睇左一陣bb野~
由於已經confirm係囝囝, 主打既梗係藍色啦~
雖然自己鐘意粉紅色多d, 但囝囝既野一定要係藍色ga, 仲要好型tim~^v^
4點幾5點就塔番地鐵番屋企喇~~
我期待左好耐既野終於都發生喇~~~
竟然有個姨姨起身讓座比我呀!!!
係21週以黎第1次呀!!!!!
真係好多謝好多謝o個位姨姨~
佳佳仲話見到我一路坐一路陰陰咀笑~
今日真係好值得紀念^^

第一次胎動 + bb展

回想當天 - 1/8/2014 (19 weeks)

今日坐o係度睇睇下電視, 突然feel到個肚踢左一踢出黎wo~~~
佳佳當時坐左o係我隔離, 我即刻叫佢摸下~
佢摸左一陣, 都feel 到踢左一踢出黎呀!!!
開心到我眼濕濕, 終於都感受到小丸喇, 真係好開心好感動!!!
但之後繼續摸已經冇再踢我喇><


回想當天 - 2/8/2014 (19 weeks)

今日去左bb展, 因為之前抽美贊臣抽到2張飛, 仲抽埋換禮物本coupon book~
其實今日去都冇諗住買野, 因為仲未confirm bb係仔定女 (之前明明照左都唔肯信><)
同埋已經有好多野有人比左我~ 同埋最有興趣既$100 3張4D相之前已經有同事幫我買左~
所以今日去純粹係睇下同埋拎贈品~
見到有得按摩下隻手, 即刻排隊^v^
真係好舒服呢~~~
但行到4點幾5點, 我已經頂唔順喇, 個頭痛得好緊要!
所以都係唔好再行喇, 乖乖地即刻番屋企休息><

第二次贊育檢查 - 入左助產士小組

回想當天 - 10/7/2014 (16 weeks)

今日係第2次去贊育檢查!由於知道淨係講番驗血報告, 所以冇叫佳佳 or 媽咪陪~
早上番完工仲食完個米線就塔車去贊育喇, 去到度高磅重量血壓~
因為o岩o岩行完條長命斜, 血壓特高, 要抖陣驗左3次先正常番~
今次覆診都慘喇, 因為我個電話壞左, 拎住部上唔到網既電話去等~
一等就等左我2個幾鐘=.=我既唯一娛樂就係睇住前面個女仔玩切生果~
真係諗起都可憐>_______<
好辛苦等左2個鐘後, 終於到我見醫生喇~
今次個醫生係大陸醫生黎ga, 講普通話, 仲要我講廣東話佢都聽唔明law!
唉...我明明係香港人黎ga ma, 要我用普通話對答, 真係有少少無奈!
淨係話俾我知上次驟既血一切正常, 之後聽下bb心跳, 禁下個胸同個肚就等走喇!
唯一既好消息係可以幫我安排到結構, 慳番一筆^v^
之後出到去又等叫名, 人地遲過我都已經叫左, 但都仲未到我!
又等左差唔多一個鐘終於都到我喇=.=
原來我俾佢地安排左入助產士小組, 話之後我既檢查, 直到生都係同一班肋產士幫我!
唔好既地方就係要我次次都要番贊育檢查!
因為聽人講助產士係"好野"黎, 所以都應承左~^^
就係一個咁簡單既檢查, 我2點半去到, 足足等到我5點半先走得>_<

放大假 - 囝定囡呢?

回想當天 - 28/6/2014 - 6/7/2014 (15 weeks)

由於8月前要清大假, 8月d日子又俾人拎得7788~
所以就揀左7月頭放呢個悠長既假期喇~

1/7/2014

過左3個月宣佈有左之後, 舅父都冇見過我, 所以今日就話黎我屋企探下我喇~
一見就話我個肚仲好細wo, 完全唔覺~
咁咪好law~但好唔好意思地佢地黎到我屋企, 我都累到要訓覺~
好彩佢地冇怪我咋, 真係訓極都唔夠訓><

2/7/2014

由於已經15 weeks, 我又好想知小丸(我稱呼bb既花名)係仔定女~
所以決定去照下!!!!
點知去到醫生要做手術><要等多一個鐘~
其實醫生番黎第一個就到我ga喇, 但我之前買左團購飛同埋媽咪婆婆食buffet~
已經係last day, 仲要已經夠鐘><
所以只好改時間啦~唯有遲2日先知小丸係仔定女啦><
之後就出左去同老公, 媽咪同婆婆食lunch buffet喇~
平時係雪糕怪既我今次好乖一啖雪糕都冇食過呀!!!
仲有d凍蝦, 火腿全部掂都冇掂過~
真係覺得自己好乖好抵錫^v^

4/7/2014

終於又到睇醫生既時候喇~
一路塔車既時候一路叫小丸乖乖"張開腿"~
俾醫生叔叔睇下你係男仔定女仔~
去到等左一個鐘到就到我喇~
醫生問我心唔心急知道bb係仔定女~
我心諗呢個係我今次既主要目的呢>v<
之後就訓上床喇~~
小丸真係好乖乖咁張開左張腳仔~
其實一開始既時候, 如果你問我同佳佳想要仔定女, 我地一定會答你"囡"~
但我心知自己個人係一個醋意好勁既人~
就覺得如果生o個個係囡囡, 見到佳佳一日到黑抱住個囡, 我一定會呷醋呷死><
如果又見到個囡成日o爹爸爸, 我又會呷醋o個d~
雖然我都知道係自己既會唔同, 唔會呷醋只會覺得好sweet, 但我真係未必接受到~
所以久而久之, 覺得生囝都唔錯丫~
但生囡而可以扎瓣仔, 著裙仔, 扮靚靚, 玩煮飯仔, 睇公主既戲滿足晒我既慾望~
真係好難選擇>v<

終於開估喇, 醫生講左句, 好明顯啦, 呢個係男仔去小便既器官!
多數都係囝黎ga喇~
我即刻唔開心到想喊~
我既公主夢冇喇。但我即刻心諗: 我仲可以繼續做佳佳心目中最愛最重要既女人wo~
之後醫生同我講咩其實我都已經冇心機再聽喇~
淨係個心諗住: 囝黎ga....
唔緊要, 仲有結構可以confirm, 當時既我仲存有一絲一點既希望

第一次聽講座

回想當天 - 14/6/2014 (12 weeks)

今日係第一次聽講座, 係聽美素佳兒既講座~
其實自從有左之後除左番工都冇出過街, 星期6,日都係最多落樓下食個tea就算~
所以今次對我黎講真係一個大挑戰呀!!

去到尖沙咀報到!今日既題目係孕婦既營養同埋點同bb沖涼~
對於一個新手父母黎講都好實用, 何況其實我半歲以下既bb都唔敢抱ga!
當然唔係話聽完之後會敢抱初生既bb, 但都起碼一無所知ma!
聽完之後仲有好豐富既禮物~最開心當然係個三角枕啦~
我到而家都仲有用緊ga, 好舒服^^
聽完雖然都仲好早, 但已經好累喇, 諗住番屋企附近食個tea就休息下啦~
聽醫生話要食多d牛先有營養, 咪去左吉野家食牛肉飯law~
點知一食完番到屋企即刻嘔><
係第1次嘔得出呢今次~
究竟食唔食得ga?>< 

第一次產檢 - 贊育

回想當天 - 10/6/2014 (12 weeks)

由於我臨生之前會番媽咪度住, 等媽咪照顧我~
所以我會揀瑪麗醫院生~而o係瑪麗醫院生, 檢查會o係贊育做!
今日就係我第一次去贊育檢查既日子喇~
由於booking時間係早上8點半, 所以我前一日選擇左番媽咪度訓~
好開心地佳佳都陪我番媽咪度訓, 不過我地就要分開訓上下格床喇>_<
媽咪張床好硬呀><訓到我成晚都唔係好舒服~
仲俾阿媽鬧我由細訓到大, 而家先黎話硬~
哈哈哈~而家習慣左屋企張床ma~

我地今日塔的士去左贊育, 就睇唐氏既影片~
一直都唔太擔心, 因為自己仲後生, 但睇完之後又驚驚地><
因為係關染色體既事, 雖然詳細我都唔係好明, 但殺到埋身開始驚都正常丫>v<
聽完之後可以即日做埋唐氏, 有媽咪陪都安心d~
首先要抽左5枝血, 真係抽到隻手都冇晒感覺呀><
之後就可以上2樓照超聲波喇~
bb今次狂郁, 好開心呀!!媽咪第一次見都好開心~
因為佢個位訓得唔好, 所以姑娘好大力咁整佢, 一整佢佢即刻伸手呀!
惡b黎ga!!!!
今次見佢已經有5.5cm喇~
頸皮見到係1.5, 但要睇埋驗血先知結果, 真係好驚呀><
唔好有電話響呀唔該=.=

流啡 - 法國醫院

回想當天 - 5/6/2014 (11 weeks)

放左2日假, 一番工又開始流啡, 同Manager 講完之後佢即刻打黎叫我走去睇醫生~
我本身約左6點o係公司附近個婦科睇, 佢都叫我唔好等喇, 即刻走><
所以我就走左去法國排隊睇醫生喇~
今次終於有得睇, 但竟然等左我3個幾鐘><
等到佳佳都放工可以黎陪我~
佳佳黎到之後等左半個鐘就入得去喇~
又見到bb郁黎郁去~仲大左好多tim, 已經有4.27cm喇~
醫生又係話冇咩大問題, 只要休息多d就得喇~
之後開左1個星期病假俾我, 叫我好好休息下, 應該冇咩問題ga喇~
初初都好驚放成個星期公司會唔高興, 點知Manager 竟然話我同bb先係最重要~
仲叫我好好休息, 再唔舒服一定要出聲, 唔洗驚~
o個刻真係好感動呀!!!

流啡 - 聯合醫院

回想當天 - 30/5/2014 (10 weeks)

其實9w 幾開始間唔中都有少少啡流出黎~
其實都有少少驚, 不過見數量唔多所以冇理!
但已經連續流左個幾星期, 都係去睇睇醫生好d!
所以放工就諗住去法國醫院, 因為聽人講話好好~
又可以walk in, 點知我好黑仔, 去到之後話已經fuul左~
本身諗住番屋企休息下就算, 但老公話都係睇下啦~
最終就去左聯合, 講左我既case俾佢知之後等左唔夠半個鐘就有得睇~
醫生話冇咩大問題, 5個孕婦早期都有2-3個會係咁~
之後再等左陣就照超聲波, 又見到bb, 真係開心~^^不過今次佳佳就冇得睇law~
最後醫生開左3日假俾我就走人lu~
希望bb 會健健康康咁成長, 唔好再嚇媽咪啦!

第2次產檢

回想當天 - 20/5/2014 (7 weeks)

今次係第2次產檢喇!
去到好快就到我喇, 等都唔洗等。
唔知點解次次要我訓o係張床度, 我都會緊張得好緊要~
真係緊張到呼吸都好似好困難咁~
今次照, 照左好耐都見唔到bb ><
bb, 你唔好嚇我啦, 媽咪已經好緊張ga喇, 好彩再照下就照到喇~
原來bb 同我地玩"捉e因"~
躲左o係個角落頭度, 醫生仲話: 你睇下bb, 咁多位唔去, 係要o係個角落度~整盅我地!
度一度之下, bb已經有2.17cm喇~
今次d "仆仆仆仆仆"既心跳聲仲大聲左好多呀!!!!
真係好開心~
原來醫生上次係特登唔開証明信俾我, 佢想我隱定d先寫俾我~
好彩佢上次唔係咁同我講咋, 唔係一定攪到我呢2個星期都冇覺好訓~
臨走既時候, 醫生仲同我講左句: 放心啦, 今次十拿九隱ga喇~冇咩特別野都唔洗再番黎ga喇~
當然, 你想見bb都隨時可以番黎啦~^^
醫生信都拎埋, 個心定晒喇~~~^v^
番到屋企, 佳佳仲形容bb既心跳聲係"爸爸爸爸爸爸爸"~
仲話bb咁快就識得叫爸爸, 一定好鐘意佢wo~
哈哈哈~真係俾佢笑死!

第一次產檢 - 見到閃閃

回想當天 - 8/5/2014 (6 weeks)

今日係我第一次產檢, 真係十分緊張~
入到去等既時候個心真係差d跳左出黎~
其實只係等左半個鐘, 但唔知點解呢半個鐘真係好漫長好漫長....
終於到我喇, 同佳佳一齊入去, 由於上次都有睇呢個醫生~
佢亦都知我上次個case, 所以都好小心處理!
終於要訓上床喇>< 我真係完全感覺到自己個心就黎跳出黎喇~
照左一陣, 終於照到bb喇~~
bb有0.88cm, 相等於6週, 醫生話可能係我遲排卵, 所以問題不大~
之後俾我見到傳說中既"閃閃", 仲俾我聽到佢"卜卜卜卜卜....."既心跳聲~
真係不禁流左2滴眼淚出黎~
醫生仲講左句: 今次冇上次咁倫盡喇~
真係令我放左十萬個心!
叫我2個星期之後覆診。我又好傻咁唔記得問醫生拎証明書><
一步出門口即刻打俾媽咪報喜!

發現您的存在

回想當天 - 18/4/2014 (4 weeks)

今日係復活節假日既第一日wo~
就突然之後好想去沙灘曬下太陽, 游下水喇~
佳佳講左句: 唔去啦, 一陣你有左咁點~
我就用番最後既一枝綠D 去驗下~
心諗: 邊有咁易丫~驗完等之際, 見到白雪雪~
仲咒罵緊佢少少希望都唔俾我, 印都冇條~
點知仲咒罵緊之際, 就見到有條淺淺既線浮左出黎~
仲愈來愈深tim~之後就叫老公入黎睇下~
老公笑笑口咁話: 咁小心d喇知道嗎? 唔好去游水喇, o係屋企休息下啦~
今日去買枝棒棒番黎, 聽朝再驗下啦~
就係咁, o個日就成日都o係屋企訓覺喇~

回想當天 - 19/4/2014 (4 weeks)

朝早一起身, 當然第一時間驗下係咪真係2條線啦~
等左一陣, 真係見到2條線呀!!!
真係非常非常非常非常開心~
但因為上次既經驗, 都係小心d好, 所有野都要加倍小心, 加倍緊慎~
bb, 你一定要痴實媽咪呀, 我同爸爸都一定會對你好好ga!

回到當天 - 29歲生日

話說今年1月既時候發生左d唔係好高興既事~
訓左2日醫院, 亦係我人生中最痛苦既幾日~
但我知道我一定要好好調整心態, BB先會再次番到去我身邊~
所以就o係3月生日既時候同佳佳, 仲有媽咪黎一次台灣既散心旅行喇~

詳情都唔多講喇~
其中一站係去十分放天燈~

睇下我第一行就寫身體健康, 可想而知身體健康對當時既我黎講係幾咁重要!
之後就當然有"生個肥肥白白既小baby"啦~
除左去十分放天燈, 仲去左青桐掛許願竹~
願望都係大同小異~

好幸運地, o係台灣番黎既第2個月我就驗到有我既小baby喇~
好多人都問我係咪o係台灣成功~
當然唔係啦, 因為去台灣我地3個人一間房ga ma!
所以小baby 係made in Hong Kong 架呢~^^

~黃家有喜~

今次真係番黎喇~~
番黎之外仲有多個好消息~
就係黃家終於有喜喇~
而家17週, 過多2日18週lu~
預產期將會係2014年既12月25號, 係聖誕bb呢~^^
而我最終都可以同我預期一樣, 30歲前生bb, 真係好開心呢~~~

今次真係真係要好好打番呢個blog~
好好見証住陀bb既快樂時光~^^